Мэдээ мэдээлэл

ИРГЭДЭЭС ИРҮҮЛСЭН ӨРГӨДӨЛ, ГОМДЛЫН 2016 ОНЫ 2-Р УЛИРЛЫН ТАЙЛАН

      Аймгийн болон сумдын төрийн захиргааны байгууллагад иргэдээс ирүүлсэн өргөдөл, гомдол, санал, хүсэлтийг шийдвэрлэхдээ Монгол улсын хууль тогтоомж, түүний дотроос “Иргэдээс төрийн байгууллага, албан тушаалтанд хандаж гаргасан өргөдөл гомдлыг  шийдвэрлэх тухай хууль”, Засгийн газрын  2005 оны 67 тоот тогтоол, аймгийн Засаг даргын 2013 оны А/83 тоот захирамжаар баталсан журмыг мөрдөж ажиллалаа. 

Аймгийн хэмжээнд 2016 оны 2-р улиралд 4821 санал, өргөдөл, гомдол ирснийг бүртгэн авч 3945 буюу 81.8%-ийг шийдвэрлэн хариу өгч ажиллалаа. Шийдвэрлэх шатандаа буюу хугацаа болоогүй 876 санал, өргөдөл, гомдол байна.

Иргэдээс аймгийн Засаг даргад гаргасан өргөдлийг өргөдөл, гомдол хүлээн авах өрөө, бичгээр, биечлэн, 7045-2222 нээлттэй утас, 70452222.mn сайт, цахим хэлбэрээр авч хариуг иргэдэд хуулийн хугацаанд өгч ажиллаж байна.     

2016 оны 2-р улиралд мөнгөн тусламж, дэмжлэг хүссэн нийт 123 иргэнд 31091400төгрөгийн тусламж олгож шийдвэрлэсэн.

ХЗӨЧДТ ТББ -гийн санаачлагаар Мерси Кор ОУ-н байгууллагын санхүүгийн дэмжлэгтэйгээр
CLOUDNETWORK LLC
програмыг хийж гүйцэтгэв.
 
Нээлттэй2017 оны 06 сарын 16 Утсаар Гомдол
1706160004 Увс-Азза компани шатаах зуухаа аймгийн төвд байрлуулчихсан нэг л юм шатаагаад байна. Юу гэдгийн сайн мэдэхгүй байна. Нэл хар утаа манараад амьсгалахад хүнд байна. Байрны цонхоор орж ирээд агаар, орчин бохирдуулж байна. Гадаа хүүхдүүдээ агаарлуулах боломжгүй хүндрэлтэй байна. Байнга шахуу хар утаа манаруулж юм шатааж байна. 3-р багт байрлах "Ган" авто засварын хажууд айлын хашаанд байна. Арга хэмжээ авч өгнө үү.
 Увс Аймгийн Засаг Даргын Тамгын Газар Дэлгэрэнгүй ...
Нээлттэй2017 оны 06 сарын 09 Утсаар 
1706090001 Манай сумын гүний худгаас маш их булингартай, шороотой ус гардаг. 2015 онд шүүлтүүр тавьсан боловч өнгөрсөн өвлөөс хойш шүүлтүүр нь ажиллахаа больсон. Бас мөнгөний хариулт өгдөггүй. Иймд худгийн усыг шинжилгээнд оруулж, шүүлтүүрийг нь ажиллуулах арга хэмжээ авч өгнө үү.
 Мэргэжлийн хяналтын газар Дэлгэрэнгүй ...
Нээлттэй2017 оны 05 сарын 24 Утсаар Гомдол
1705240001 ЖДҮ-ийн төслийн шалгаруулалт болсон. Гэтэл ЗДТГ-ын ЖДҮ хариуцсан мэргэжилтэн Оюунчимэг нь эгчдээ төслийг аваад өгчихлөө. Мөн комисст байсан Цэрэн, Ганбаатар нар өөрсдөө төсөл авчихлаа. Манай суманд ЖДҮ-ийн төсөл шалгаруулахад дандаа ах дүү, найз нөхөд, хамаатан садандаа өгдөг эсвэл өөрсдөө авдаг заваан юм дандаа болдог. Энэ замбараагүй байдлыг таслан зогсоох хэрэгтэй байна. Шалгуулмаар байна.
 Увс Аймгийн Засаг Даргын Тамгын Газар Дэлгэрэнгүй ...
Хаалттай2017 оны 05 сарын 22 Утсаар Гомдол
1705220005 Аймгийн Цогцолбор 1-р сургуулийн дотуур байр нэг хүхдээс 25000 төгрөг авч байна. Дотуур байранд засвар хийнэ гэж байна. Дотуур байр, сургуулийн урсгал засварын мөнгийг төрөөс өгдөг биздээ. Яагаад хүүхдүүдээс ийм их мөнгө авч байгаа юм бэ? Дор хаяж 10000 байж болдоггүй юм уу? Тэгээд мөнгийг нь дансаар хийе гээд дансаа өгчих гэсэн чинь заавал багш нь өөрөө гар дээрээ авна гээд байх юм. Тусгай дансанд төвлөрүүлдэггүй юм уу?
 Увс Аймгийн Засаг Даргын Тамгын Газар Дэлгэрэнгүй ...
Хаалттай2017 оны 05 сарын 17 Утсаар Гомдол
1705170005 Би Өмнөговь суманд амьдардаг. Манай 3 хүүхэд сумын сургуульд сурдаг. Энэ жил сургуулийн ой болж байгаа. Хүүхдүүдээс хандив гэж 10000 төгрөг авч байна. Манайх 3 хүүхдийн 30000 төгрөг өгөхөд маш хүнд байна. Яг одоогоор манайх ямарч мөнгөгүй байхад өдөр бүр мөнгөө өг гээд хүүхдүүдээс нэхээд байна. Энэ асуудлыг зохицуулж өгмөөр байна. Заавал хүүхдүүдээс мөнгө авах ёстой юм уу?
 Увс Аймгийн Засаг Даргын Тамгын Газар Дэлгэрэнгүй ...
Хаалттай2017 оны 05 сарын 17 Утсаар Гомдол
1705170001 Манай аав 70 настай. Шүд нь өвдөөд зовоогоод байж чадахгүй нэгдсэн эмнэлэгт шүдээ авахуулахаар очтол оочир байхгүй ээ та дараагийн 2 дахь өдөр ирээрэй гэж хэлсэн. Тэгээд хүү минь бүр өвдөөд болдоггүй авахуулчихмаар байна арга алга уу гэхэд байхгүй ээ өвчин намдаагч уу гэж хэлсэн. Ховд аймагт бол шууд аваад өгчихдөг. Манай аймгийн нэгдсэн эмнэлгийн үйлчилгээ болохгүй байна. Арай дэндүү юмаа хогшин настай хүнийг оочирт оруулаад өвдөж байгаа шүдийг нь аваад өгч болдоггүй юм уу? Энэ тухай хариу авмаар байна.
 Увс Аймгийн Засаг Даргын Тамгын Газар Дэлгэрэнгүй ...
Нээлттэй2017 оны 05 сарын 15 Утсаар Гомдол
1705150004 Ойн цэвэрлэгээ, нөхөн сэргээлт, мод бэлтгэлийн ажлыг хийхэд өөр сумын ойн нөхөрлөл өнгөрсөн жил манай сумаас мод бэлтгээд Баруунтурууны цэргийн анги бусад сум, байгууллагад зарсан. Энэ жил өөрийн сумын нөхөрлөлөөр ойн цэвэрлэгээ, мод бэлтгэх ажлыг хийлгэхээр аймгийн удирдлагад санал тавьсан. Аймгийн Засаг дарга саналыг дэмжсэн. Гэтэл ойн ангийн удирдлага, Ханхөхийн тусгай хамгаалалттай газрын захиргаа энэ жил мод бэлтгэх, ой цэвэрлэх ажлын тендерийг зар хүргэхгүйгээр өөр сумын ойн нөхөрлөл, нэг гэр бүлийн хүмүүсийг оролцуулан зохион байгуулахаар төлөвлөсөн байна. Өнгөрсөн жилийн зөрчил дахин давтагдаж байна. Өөрийн сумын нөхөрлөл оролцох боломж олгохгүй зохион байгуулж байна. Иймд гомдолтой байна. Манай сумын нөхөрлөлийг оролцуулах боломжоор хангаж, холбогдох байгууллагад нь уламжлан шийдвэрлүүлж өгнө үү.
 Увс Аймгийн Засаг Даргын Тамгын Газар Дэлгэрэнгүй ...
Нээлттэй2017 оны 05 сарын 09 Утсаар Гомдол
1705090001 Ахлах сургуулийн Туяа багштай 7в анги хүүхдээс 15000 төгрөг авч байна..Ангийн багшид ширээ авч өгөх юм гэнэ. багшийн ширээг хүүхдүүд авч өгөх ёстой юм уу? улсаас өгдөг биздээ. Мөн өнгөрсөн жил анги засварын мөнгө 5000 төгрөг авдаг байсан. Энэ жил 10000 төгрөг авч байна. Ийм хэмжээний мөнгө өгөх боломжтой ч хүн байна, боломжгүй ч хүн байна. Энэ асуудлыг яах вэ? Холбогдох дарга нар арга хэмжээ авч өгнө үү.
 Увс Аймгийн Засаг Даргын Тамгын Газар Дэлгэрэнгүй ...
Нээлттэй2017 оны 05 сарын 05 Утсаар Гомдол
1705050001 Манай 4 хүүхэд Цогцолбор 2-р сургуульд сурдаг. Том хүүхэд 10-р анги бага нь 3-р анги. Ангийн багш нар нь 30.000 мөнгөн хураалга гээд шахаад байх юм. Учир нь сургуулийн ой болох гэж байгаа гэж хэлсэн. Би 4 хүүхдийн 120.000 төгрөг өгч чадахгүй. Энэ асуудлыг зохицуулж өгнө үү.
 Увс Аймгийн Засаг Даргын Тамгын Газар Дэлгэрэнгүй ...
Нээлттэй2017 оны 05 сарын 02 Утсаар Гомдол
1705020001 Би оёдлын чиглэлээр ажилладаг. Гэртээ гутал оёдог. Сум хөгжүүлэх сангаас 5 сая төгрөг авах хүсэлтээ гаргаад төсөл бичээд жил боллоо. Надад мөнгө өгнө гэж байгаад одоо болохоор мөнгө байхгүй гэх юм. Төсөл хариуцсан ажилтан өөрөө хувьдаа дэлгүүртэй хувийн бизнес эрхэлдэг. Сум хөгжүүлэх сангийн мөнгийг хувьдаа ашиглаад байна гэж бодож байна. Тиймээс шалгуулмаар байна.
 Увс Аймгийн Засаг Даргын Тамгын Газар Дэлгэрэнгүй ...
Нээлттэй2017 оны 05 сарын 01 Утсаар Гомдол
1705010002 Миний бие 100% харааны бэрхшээлтэй. ХХҮГ-ын нүүрс түлээний хөнгөлөлтөд хамрагдах гээд өнгөрсөн 12 сард сумын халамжийн байцаагчид материалаа бүрдүүлээд өгсөн. Одоо болтол мөнгө нь ороогүй байна гээд байх юм. Энэ асуудлыг яаралтай шийдвэрлүүлж өгнө үү.
 Боловсрол соёл урлагийн газар Дэлгэрэнгүй ...
Хаалттай2017 оны 04 сарын 27 Утсаар Гомдол
1704270001 640 сургуулийн О багштай 1-р ангийн үсэглэлийн баяраа хийх гээд нэг хүүхэд 50.000 төгрөгөөр нийлж байна. Ингэж мөнгө хурааж болдог юм уу? мөнгөтэй ч хүн байна, мөнгөгүй ч хүн байна. Үсэглэлийн баяр тэмдэглэхэд хэдэн төгрөг хураах ёстой юм бэ? хязгаарласан тоо байдаг уу? Манайх энэ мөнгийг өгч чадахгүй, 50.0 мянган төгрөг гэдэг манай гэрийн сарын хэрэглээний мөнгө. Энэ асуудлыг шалгаж шийдвэрлэж өгнө үү.
 Увс Аймгийн Засаг Даргын Тамгын Газар Дэлгэрэнгүй ...
Хаалттай2017 оны 04 сарын 24 Утсаар Гомдол
1704240003 Би УБ хотод амьдардаг. Аймгийн архиваас баримт шүүлгэх гээд 2 сар боллоо. 1987-1992 оны хоорондох цалингийн түүвэр авах гээд ерөөсөө чадахгүй байна. Мэргэжилтэнрүү нь яриад даргатай нь яриад авч чадахгүй байна. Би өөрөө Улаанбаатар хотод ажиллаж амьдардаг. Очиж чадахгүй учраас эгчийгээ хэд хэдэн удаа явуулж уулзуулсан. Эгч минь настай хүн хараа муутай болохоор сайн харж чадахгүй. Гэтэл олдохгүй байна, өөрөө хай гэж янз бүрийн шалтаг хэлж буцаагаад байна. Би одоо яах? аймгийн архивын тасаг ажлаа хиймээр байна. Арга хэмжээ авч өгнө үү.
 Увс Аймгийн Засаг Даргын Тамгын Газар Дэлгэрэнгүй ...
Хаалттай2017 оны 04 сарын 13 Утсаар Гомдол
1704130002 Цогцолбор 2-р сургуулийн шар сургуулийн хажууд 1 айл гахай тэжээдэг. Үүнээс болж өмхий үнэртэх, хүүхдийн тоглож наадах орчинг бохирдуулж байна. Аймгийн МХГ энэ асуудал дээр анаарал хандуулж ирж танилцаж арга хэмжээ авмаар байна.
 Улаангом Дэлгэрэнгүй ...
Хаалттай2017 оны 04 сарын 12 Утсаар Гомдол
1704120002 Хүнсний зах дотор таксины зогсоолын хажууд ил задгай хэд хэдэн хүн жимс зарж байна. Энэ асуудлыг захын төлөөлөл 3 хүн аймгийн МХГ дээр очиж байцаагч Дэлгэрмаа, Бат-Өлзий, Нямжаргал нартай уулзан, ил задгай жимс зарахыг болиулах хэрэгтэй, арга хэмжээ авч ажиллаачээ гэж хэлсэн. Гэтэл манай байгууллага хүнсний аюулгүй байлыг хангадаг чиг үүрэгтэй. Бид арга хэмжээ авахгүй, цагдаагийн газарт мэдэгд гэж хэллээ. Ингээд цагдаагийн газрын даргатай очиж уулзахад МХГ-аас шалгалт хийгээгүй байхад манайд хамааралгүй, МХГ-ын хийдэг ажил гэв. Бидний төлсөн татварын мөнгөөр цалинждаг хэрнээ өөрт хамааралтай чиг үүргийнхээ ажлаа хийхгүй манайх хийхгүй гээд сууж байх юм.. МХГ юу хийдэг байгууллага юм бэ? Бид энэ асуудал дээр гомдолтой байна. Яаралтай арга хэмжээ авч ил задгай жимс зарахыг болиулж өгнө үү.
 Мэргэжлийн хяналтын газар Дэлгэрэнгүй ...
Хаалттай2017 оны 04 сарын 11 Утсаар Гомдол
1704110003 10-р баг тээврийн хорооны 2-10 тоотод оршин суудаг айл байнга мал нядалгаа хийдэг. Малын баас, шээс, угаадсаа гудамжинд асгадаг. Дулаараад цас хайлаад нөгөө баас шээс нь урсаад манай хашааны дээд талд ирчихсэн байна. Би чулуу тавьж хаасан байгаа. Үүнийг МХГ-т дамжуулж, яаралтай арга хэмжээ авч өгнө үү.
 Мэргэжлийн хяналтын газар Дэлгэрэнгүй ...
Хаалттай2017 оны 04 сарын 07 Утсаар Гомдол
1704070003 ........ сумын Засаг дарга ажилдаа ерөөсөө ирэхгүй байна. Ажлаа хийхгүй байна. Уулзах гэж хэд хэдэн удаа ажил дээр нь очсон байхгүй байхын. Өглөө 9 цагт очсон байгаагүй. Сая 11 цагийн үед очсон бас л байхгүй байна. дараа нь сонсоход архи уугаад явж байна гэсэн.
 Увс Аймгийн Засаг Даргын Тамгын Газар Дэлгэрэнгүй ...
Хаалттай2017 оны 04 сарын 03 Утсаар Гомдол
1704030002 Нэгдсэн эмнэлгийн 19001507 гэсэн утсанд цаг авах гэж маш олон удаа залгалаа. Ерөөсөө утсаа авахгүй юм. Тэгээд арга бараад очоод маргаашийн цаг авах гэсэн чинь маргаашийн цаг байхгүй, тэр өдрөө ирж ав гэх юм. Ямарч оочир хүн байхгүй 3 эмэгтэй сууж байсан. Яагаад утсаа авдаггүй юм бэ гэхэд завгүй байсан гэж хариулж байна. Иргэдийн цаг хэмнэх, ажлыг хөнгөвчлөх зорилгоор энэ утсыг ажиллуулж байгаа гэж анх хэлж байсан. Гэтэл одоо тэр хэмжээндээ хүрч ажиллаж чадахгүй байна шүү дээ. Утсан дээр ажилладаг хүмүүсийн ажлын хариуцлагыг нэмэгдүүлж анхааруулга санамж өгөх шаардлагатай байна.
 Нэгдсэн эмнэлэг Дэлгэрэнгүй ...
Хаалттай2017 оны 04 сарын 03 Утсаар Гомдол
1704030001 2 сард ХХҮГ-аас замын цас цэвэрлүүлсэн. миний бие 7 хоног зам дээр ажилласан. Ажлын хөлс 180.0 мянган төгрөг авах ёстой байсан. Цагаан сарын өмнөхөн 100.0 мянган төгрөг өгсөн. Үлдэгдэл 80.0 мянган төгрөгийг одоо болтол өгөөгүй байна. Яаралтай арга хэмжээ авч өгнө үү.
 Хөдөлмөр халамж үйлчилгээний газар Дэлгэрэнгүй ...
Хаалттай2017 оны 03 сарын 31 Утсаар Гомдол
1703310002 Манайх Сагил сумын Баянгол баг Дөш гэдэг нэртэй газар хаваржиж байна. Одоогоор 20см зузаантай цастай, төлийн хорогдол их байна. Багийн Засаг дарга, сумын Засаг дарга малчдаа эргэж тойрохгүй байна. Төрөөс цалин авч байгаа сумын хурлын дарга, Засаг дарга нар иргэд малчидтай уулзах, эргэж тойрох ажил огт хийхгүй байна.
 Увс Аймгийн Засаг Даргын Тамгын Газар Дэлгэрэнгүй ...

© 2013-2017 “Увс 70452222 ТӨВ”